مذكرات سريـــــــــــة( ســـــــــــارووونه ) !!!!!

قامت احدى وحدات الكماندوز التمساحيه بغاره استطلاعيه عن السحليه المتمرده

(ســـــــــــــــــارووونه)

وياروح مابعدك روح>>يابو الشباب وش فيه؟؟

والهدف من الغارة هومعرفة مخططاتها لتهديد امن التماسيح الطيبين>>>ياحليلنا حلوين طيبين وبنحبكن

وتحصلنا على دفتر مذكراتها واطلعنا عليه واكتشفنا شي

كسرت خاطري والله

فقررت اعتقها عسى تستقدم لها عريس من اي ديره

اهي اهي اهي اهي اهي تصدقون حزنت عليهااهي اهي اهي اهي>>ماادري ابكي اول والا اقول النكتة قصدي القصة اول

اسمعوا ويش كاتبه السحليه ســـــــارووونه

اللي قاهرني تكابر على ايش وهي في حاله يرثى لها

اسمعوا والا اقولكم اقروا العبرات خانتني

........................

اهي اهي اهي اهي

كنت قاعدة اتفرج عالتلفزيون ... متابعة مسلسل ..

وجا مشهد زواج وحدة من الشخص اللي تحبه من زمااااان ...

قلبت القناة على قناة ثانيه ...

لقيت عرض أزياء فساتين عرايس...

قلبت القناة .. لقيت خطوات وضع مكياج العروس ...

سكرت التلفزيون وجريت الونة " تنهيدة كبيرة " تشقق الصدر

التفت علىّ ابوي اللي نسيت تماما انه كان جنبي ... قال لي ابوي :

خير إن شاء الله يابنتي ؟! وش فيك ؟! عسى ماشر ؟!

انا تلخبطت ساعتها وفتحت له التلفزيون وقعدت ساكتة ...

ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...

اقول له ان صاحباتي اغلبهم تزوجوا ؟؟؟

وإلا أقول له إني تمنيت أكون مكان بنت خالي في كوشتها وفي الزفة أمس ؟

يقطع الدراسة وسنينها ياشيخ ...

اوف والله غثا .. يا بخت جداتنا ماتطق الوحدة العشر سنين إلا هي مخطوبة ..

وعلى الثنعش اعرست ..

وان وصلت البنت ثمنطعش ما اعرست قالوا عانس !!!

هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...

أخخخ .. يُبه الله يفتح عليك وتخليني اعرس ... وتفكني من الدراسة ...

وساعة انا غارقة في قاع هذي الهواجيس ويرن التلفون ويقطع حبل افكاري ...

طالع الرقم ابوي وقال رقم غريب ... رد بلهجة رسميه :

- وعليكم السلام .....

الله يسلمك .....

الحمد لله بخير .....

ايه أنا أبو ســــــارووونه( طلع اسمها الحقيقي لوووول) المراقبــة اللي بنبع الشوق..

لا منت غلطان(ابوها يعرف انها في المنتدى؟؟؟) انا هو ...

ماعليك زود الله يسلمك ...

من معاي ياخوي ماعرفتك ...

والنعم .... تفضل وش السالفة اللي تبيني فيها ؟....

لا ماني مشغول ...

لهالدرجة الموضوع مهم ؟!...

تفضل تكلم شغلتني ...

والتفت ابوي علي وعطاني نظرة غريبة ..

انا ساعتها قرصني قلبي مو من ردود ابوي بس من نظراته الغريبة ..

رد ابوي على المتصل : وش فيها زود طيب ؟...

لا بس مافيها أي ميزات عن الباقي ...

اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..

رد ابوي على المتصل : طيب وبعدين ... أيوه ....

طيب وش اسمك الكامل ؟

وش تشتغل بالضبط ؟

طيب من دلك علي وعطاك رقمنا ؟

لا الموضوع يا ابني مو بهالبساطة ....

العملية مش بيع وشرى وبس ...

الواحد لازم يسأل كثير ويحرص قبل يقدم على أي خطوة ...

لا موضوع انك تجي لبيتنا خليها بعدين ...

لين أسأل عن كل صغيرة وكبيرة ...

لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..

انا كنت اتابع حركات ابوي وانا متشققة من الفرحة ...

أخيرا انخطبت وبتزوج مثلي مثل غيري ...

يوووووه أخيرا بلبس فستان أبيض منفووووووش

أخيرا بطلع أجهز واتقضى للزواج ...

بسوي زواج كبير مررررررة

وبحط زفة ريميكس وطرحتي مابيها خليجية بخليها مبتكرة ...

منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ...

وحصة صديقة امي منيب عازمتها بعد مطوعة مالي خلقها تحوسني لو حطيت اورج ...

وبشتري أغراض واشيل واحط واخطط ... بيصدع راسي بس ولو لذيذ هالصداع ...

يوم قفل الخط ابوي التفت علي وهو مبتسم ابتسامة تعجب وهو ساكت ... قلت :

- هاه يبه ؟ متى بيجي يشوفني ؟(اخص يالقطه)

- منهو

- هذا اللي خطبني تو ( واثقـــــة!!)

- وشو؟!

- خطيبي اللي تو

- تموووووونين انتي ووجهك صار خطيبك على طول ماعندك وقت ..

- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .

للحين تراها حازة في نفسي ..

ترا هالمرة بضرب عن الدراسة ...

والا الاكل مقدر اضرب عنه (دوووووووووبا.خخخخخخخخ) ...

خلاص يبه بعنس من تحت راس فعايلك بخطاطيبي ...

والرسول حث على تزويج من ترضون دينه وخلقه ...

وهذا الخاطب قايل قلبي انه أجودي .. ترا ما اعرفه بس اتوقع انه كذا...

وترا العرس أهم من الدراسة عشان الجنس البشري ماينقرض ....

وبعدين من قال لك اني منيب مكملة دراستي والله بكمل .

حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .

- هي انتي وين رحتي ... حدك حدك لا تشطحين !!!

- وش اشطح ؟!
هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة

- أي عريس وأي هم؟؟!!
انتي مصخنة ؟؟

هذا المتصل مندوب شركة يبي يجي يوريني المكنسة الكهربائية ال مذكرات سريـــــــــــة( ســـــــــــارووونه ) !!!!! Ajeeb

مذكرات سريـــــــــــة( ســـــــــــارووونه ) !!!!! Ajeeb

ة على قولته اللي تغسل وتنفخ وتطبخ ..

قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...

انا لا تسألون عن وجهي ...

الله يقطع أم العجلة اللي تعرفونها ....

مشكلتي اني أجزم على طوووووول قبل أتأكد

وتعلق وتعزي نفسها

*********************************

خخخخخخخخخخخخخخ..

هذه حال كل البنات يكابرون يكابرون ثم ينصرعون لمن يسمعون سيرة عريس .

شفتم قد ايش هالسحليه ما تعرف مصلحتها اعذرينا اذا فضحناك

وبـــــــــدون زعــــــــــل

القائد الأعلى للقوات التمساحية

الفريق أول ركن تمساحي